Во МЕРМС координативен состанок со сите клучни институции од секторот

Во Министерството за енергетика, рударство и минерални суровини се одржа координативен состанок со сите клучни институции од енергетскиот сектор.

На состанокот, на кој присуствуваа координаторката Елизабета Гиовска и управителот на МЕМО, Зоран Ѓорѓиевски, беа презентирани тековните активности за пазарно поврзување (market coupling), што ќе придонесе за поголема конкурентност, поефикасно формирање на цените и пристап до европскиот пазар. Ѓорѓиевски посочи дека е во тек и развојот на Intraday пазарот, кој се очекува да стартува во вториот квартал од 2026 година. Во однос на системот за гаранции за потекло на електрична енергија од обновливи извори, истакна дека интересот е голем и дека од април досега се издадени над 122 илјади.

На состанокот беа разгледани и состојбата со енергенсите, како и мерките за сигурно снабдување со топлинска и електрична енергија во претстојната зима.

Со воведувањето на редовни координативни состаноци, Министерството воспоставува нов систем што ќе обезбеди поголема сигурност и стабилност во енергетскиот сектор.