40 учесници, 40% раст-1 динамичен пазар

Македонската берза на електрична енергија продолжува да расте и да се зацврстува. Добредојде за GSA Energy, нашиот 40-ти регистриран учесник на пазарот ден-однапред!

Основана во 1993 година, GSA е препознаена како важна компанија за тргување со електрична енергија и доверлив партнер во регионот на Југоисточна Европа (ЈИЕ). Нејзината мисија е да го трансформира енергетскиот систем преку интегрирање на најсовремено производство од обновливи извори, напредни технологии за складирање и ефикасно тргување, со цел да обезбеди одржлива, сигурна и достапна електрична енергија. Во индустрија каде довербата се гради врз резултати, GSA обезбедува стабилни, безбедни и конзистентни енергетски решенија, независно од пазарните услови.

Големо благодариме до сите учесници за довербата и за растот на тргувањето од 40% во споредба со минатата година.

Ова не се само бројки — ова е доказ за довербата на компаниите, стабилноста на системот и континуираната работа на тимот на МЕМО за поголема ликвидност и транспарентност.

Нашиот пазар станува сѐ поатрактивен и подинамичен, а ние продолжуваме да инвестираме во развој и подобрување на услугите кои ги нудиме.

Горди сме што заедно ја движиме енергетиката напред.