2024: Година за паметење

Како што се приближува крајот на годината, се осврнуваме на 2024, која за сите нас во МЕМО беше исполнета со бројни активности и значајни остварувања. Годината што изминува беше период на раст и успех на кои сме горди.

Ги споделуваме најзначајните моменти:

• Раст: На Македонската берза на електрична енергија веќе 37 компании активно тргуваат. Заедничкиот раст ги демонстрира придобивките на домашната берза и влијанието на енергетскиот пазар.

• Лидерство: Го споделивме искуството и планови на конференции на високо ниво, зацврстувајќи ја позицијата на МЕМО, како доверлив глас во енергетскиот сектор.
• Реформи: МЕМО активно учествуваше во креирањето на суштински реформи во националниот енергетски сектор.
• Јубилеи: Оваа година одбележавме 18 години  ОПЕЕ и 5 години од МЕМО, значајни годишнини што ја рефлектираат нашата посветена работа.
• Глобално здружување: Активно учествуваме во иницијативата помогната од УСАИД за пазарно поврзување на Југоисточна Европа (Southeast Europe Electricity market-SEE MC).  Целта е олеснување во процесот на поврзување на нашиот пазар на електрична енергија првично со единствениот европски пазар
• Регистар на Гаранции на потекло (GOs):  МЕМО ќе го воспостави и води регистарот на Гаранции на потекло односно нивно издавање. За таа цел станавме член набљудувач на Асоцијацијата на издавачки тела (Association of Issuing Bodies – AIB), зајакнувајќи ја нашата посветеност на следењето и транспарентноста на обновливата енергија.
• Регионална соработка: Во партнерство со Словенечката енергетска берза  (BSP Energy Exchange LLC), потпишавме значаен Договор за забрзана реализација на пазарно поврзување во рамките на иницијативата SEE MC.

Благодарност до нашите соработници, партнери и колеги кои се дел од успешната работа. Заедно да ja направиме 2025 успешна година!