Работна средба на раководствата на МЕМО и ЕВН

Работна средба на раководствата на Националниот оператор на пазарот на електрична енергија МЕМО и ЕВН Македонија.

Управителот на МЕМО, Зоран Ѓорѓиевски, на средбата со Волфганг Маиер, претседател на Управниот одбор на ЕВН Македонија и со Игор Гиевски, член на УО на ЕВН Македонија, разговараа за можностите за продлабочување на соработката на двете институции како и за актуелните состојби во секторот енергетика.

На состанокот се дискутираше и за важноста од интеграција на обновливи извори на пазарот на електрична енергија како и за реализација на проекти за декарбонизација со цел градење на доверлив електроенергетски сектор, подготвен за претстојните предизвици кои доаѓаат со зелената транзиција.

Раководството на МЕМО искажува благодарност за довербата на ЕВН кон МЕМО, како и за активното учество на Македонската берза на електрична енергија.