Започна тестирањето на Пазарот во тековниот ден (Intraday Market) на МЕМО

МЕМО продолжува со развојот на организираниот пазар на електрична енергија преку воведување на Пазарот во тековниот ден – механизам што овозможува купување и продажба на електрична енергија во текот на истиот ден, поблиску до реалното време на испорака.

Во рамки на подготовките, на учесниците кои веќе тргуваат на пазарот ден однапред им е овозможен пристап до новиот M7 систем за тргување.

Од денес учесниците можат да ги тестираат сите функционалности пред официјалното пуштање во употреба на Пазарот во тековниот ден.

Официјалното тестирање (end-to-end), кое ги опфаќа и процесите на номинација, ќе се одржи наскоро.

Преку M7 порталот, учесниците имаат пристап до:
• алатката за тргување (ComTrader)
• упатства и документација
• симулациската околина за Пазарот во тековниот ден

Поддршка за користење на системот е достапна во работни денови од 14:00 до 16:00 часот.

Овој чекор претставува важен дел од модернизацијата на пазарот на електрична енергија и негово усогласување со европските практики.