МЕМО во Париз на работните состаноци за Гаранции за потекло, организирани од AIB – Association of Issuing Bodies

Претставници на Националниот оператор на пазар на електрична енергија – МЕМО ДООЕЛ Скопје, минатата недела учествуваа на работните состаноци за Гаранции за потекло на електрична енергија, кој се одржа во Париз, во организација на AIB – Association of Issuing Bodies, чија полноправна членка е МЕМО.

Во рамки на состаноците беа разгледани повеќе значајни теми за понатамошниот развој и унапредување на системот на Гаранции за потекло, меѓу кои:

🔹 трансферите преку Hub-от и достапноста на податоци за фактичкиот увоз и извоз во речиси реално време;
🔹 усогласувањето на EECS Rules со стандардите на CEN;
🔹 имплементацијата на измените и нивното влијание врз функционирањето на одделните домени;
🔹 издавањето на Гаранции за потекло со ниво на дисеминација 1 и нивното вклучување во пресметката на енергијата достапна за тргување;
🔹 унапредувањето на комуникацијата и размената на информации во рамки на AIB;
🔹 дефинирање на приоритетите и нивно преточување во конкретни активности и практичен акциски план.

МЕМО продолжува со активно учество во европските процеси и развојот на системот на Гаранции за потекло.

Досега МЕМО има издадено над 850.000 Гаранции за потекло на електрична енергија, што претставува значаен чекор во развојот на системот за следење и потврдување на потеклото на електричната енергија.

Следи, воведувањето на аукциите за Гаранции за потекло на електрична енергија, со што ќе се создадат дополнителни можности за транспарентно и организирано тргување со Гаранциите за потекло.